باركوولي نجحت بتفوق

اليوم في الصباح رحت السكول عشان اجيب الشهاده . رحت الساعه 9 و كنت متفقه مع صاحباتي ع هدا الوقت . الموهم لطعونا اللين الساعه

11 و قالو ان الشهادات لسا ماعملوها كل سنه يصير نفس الشي مايهم المهم اني شفت صاحباتي و انبسطت معاهم . استلمت الشهاده من ابله

( ام هاني ) هيا اسمها زي كدا ماشاء الله عليها مرااااا عجوز بقيلها سنه و تتقاعد سلمت ع كم ابله من اللي ليهم معزه في قلبي زي ابله

العربي ( بزه ) هيا اسمها اصلا لطيفه بس من كتر ماالبنات متعودين يقولوها بزه صار شي عادي اني اناديها بزه كمان هيا كبيره اشويه

بالعمر بس مره طيوبه و قالتلي انو درجاتي في العربي مرااا حلوه ( وانا اتحداها لو كانت فاكرتني اصلا ) .

بالنسبه لمستوايا ماابا امدح نفسي بس انا عندي اخت في عمري و دايما ( ماشاء الله عليها ) اتجيب درجات احسن مني . انو درجاتنا اتكون

متقاربه بس هيا احسن مني >>>> و الاعتراااف بالحق فضيله .

ايام المتوسط كنت احيانا اتقدم عليها كنت اجيب الاولى بس هيا اتجيب التانيه . الصراحه كنت مميزه ايام المتوسط يعني كونت من البنات

المشهورين بالمدرسه و اذكر مره الوكيله نادتني باسمي خفت مره و قلت اكيد عملت شي ولا ليش اتناديني ... بس بعدين طلعت تبغاا حاجه

تافهه مني وان المسكينه قلبي طاح بالارض .

بس الحين في التنوي وسط 1000 طالبه صعب اثبت وجودي بس انا دايم احوب الناس يعرفوني

وبس لو قعدت اتكلم ماحاخلص

سي يو حبايب قلبي